Advertisement

مهارات تنظيم الوقت والقراءة الفعالة و المذاكرة

مهارات تنظيم الوقت والقراءة الفعالة و المذاكرة
أحمد عبد الرحمن
1
مقدمة ........................................................................ .. . ..............
2
مهارة إستغلال الوقت ...........................................................................
3
سجلات النشاط Activity Logs ........................................ ............... ..
5
Do list-To ............................................................. ............... ...
7
القراءة السريعة ............................................................... ............... ...
01
أسلوب SQ3R للفراءة السريعة ............................................ ................ ...
00
أسلوب SARGE للقراءة الفعالة .......................................... ................ ...
03
الخرائط الذهنية Mind Maps ......................................... ................ ...
01
2
ظهرت هذه المقالات لأول مرة كجزء من دورة تدريبية على الإنترنت بقسم التنمية البشرية بمنتدى
حكاوي الزعفرانة )شمساوي( في يناير 2101 , وقد وجدت في نفسي رغبة في جمع هذه المقالات
في كتيب واحد مع إدخال بعض التعديلات والتحسينات عليها لتكون ذات فائدة أكبر.
وقد كتبت هذه المقالات في أغلبها بالعامية لكونها كانت في الأصل موضوعات في منتدى - -
وكانت موجهة للشباب بقصد إدخال حب القراءة و المذاكرة إلى قلوبهم بعيدًا عن النمط الأكاديمي
الرتيب الممل ,لذا فاعذرونا على عامية المكتوب.
و أود التنويه على كوني مجرد ناقل أو مترجم للمعلومات أدناه وليس أحدها هو ابتكاري الشخصي.
ولا تنسوا تجديد نيتكم قبل الشروع بالقراءة ... ولا تنسونا من دعاءكم.
أحمد عبد الرحمن
3
سموا الله و جددوا نيتكم إنك تحاولوا تستفيدوا بالكلام ده عشان تبقوا مسلمين أفاضل تنفعوا الأمة
الإسلامية
أول حاجة هنتكلم عنها هي مهارة تنظيم الوقت أو إدارة الوقت Time management
في الحقيقة لو بصينا للعنوان ]تنظيم الوقت[ هنلاقيه مش دقيق أوي ... هنظم الوقت إزاي يعني ؟
مه منظم أصلا ... مش اليوم 22 ساعة و الساعة 01 دقيقة و الدقيقة 01 ثانية ؟
طيب إيه رأيكم في ]إدارة الوقت[ ؟ هو الوقت قابل للإدارة ؟ إدارة يعني تحكم ... و الحقيقة إننا
مش بنتحكم في الوقت ... بالعكس .. ده هو اللي بيتحكم فينا .
أحسن مسمى لقيته .. هو مهارة إستغلال الوقت ...
طيب هو الوقت مهم أوي ليه يعني ؟
أولا : عمرك و حياتك كلها تعتبر وقت .. وقت لازم نتعلم إزاي نستغله صح
تاني حاجة : الوقت مورد شديد الندرة مينفعش تخليه يزيد خالص ... مهما حاولت هتفضل الساعة
01 دقيقة .
تالت حاجة : مش هتقدر تخزنه .. الوقت اللي بيمر مش هيرجع تاني خالص
رابع حاجة و أهم حاجة : إن ربنا هيسألنا عليه ...
كلام جميل ...
طيب إيه هو المطلوب يعني ؟
4
إزاي نعرف اللي بيستغل وقته كويس ؟
الشخص الفعّال ... هو اللي بيحصل على النتائج المطلوبة في الوقت المتاح ...
طيب إزاي بيعمل كده بقى ؟
فيه حاجة إسمها أساليب إدارة الوقت Time Management techniques
و دول كتير جداً جداً .. هنستعرض بعضهم مع بعض ... و نشوف نستخدمهم إزاي ؟
الأول عايز أقول حاجة ... الكلام اللي هيتكتب ده مش كلام نظري و لا كلام فاضي ... ده كلام
متجرب ..
اللي عايز يتغير للأفضل ميستخسرش في نفسه إنه يجرب الكلام ده ...
5
أول أداة هنتسخدمها هي سجلات النشاط Activity Logs
هات ورقة و قلم و إبدأ إكتب الحاجات اللي بتعملها في يومك .. و إستمر في كده لمدة يومين ...
مثلاً :
يوم الإحد 3 يناير
الساعة 01 صباحا إفطار لمدة نصف ساعة .
الساعة 01:31 الإنترنت و شمساوي و الفيس بوك لمدة 3 ساعات .
الساعة 2 : تحضير المواد اللي هذاكرها لمدة ساعة .
الساعة 3 : مذاكرة أول مادة لمدة ساعتين .
الساعة 5 : هتابع الردود على مواضيعي في المنتدى لمدة ساعة .
الساعة 0 : الغدا لمدة نص ساعة ..
و إستمر على كده لحد ما تنام .... اللي هتعمله إكتبه و إكتب وقت بدايته و إستمر قد إيه .
و هكذا يوم أو يومين كمان ...
عايزك كل يوم تبص على السجل بتاعك ... المنتدى 3 ساعات ... طيب بكره نحاول نخليهم
ساعتين و نص .
6
التحضير للمذاكرة ساعة ... مينفعش يبقى نص ساعة ؟
كل يوم حلل السجل بتاعك ..
و حاول تعمل الخطوات دي :
.0 إحذف بعض الأنشطة غير المهمة أو غير المفيدة أو متعبة بدون منفعة .
.2 خلي الأنشطة المهمة في الأوقات اللي نشاطك بيكون عالي فيها .
.3 حاول تقلل مرات تكرار نشاط معين يعني مثلاً حدد إن هتستخدم الإنترنت مرتين بس .. مرة
بعد الظهر و مرة قبل النوم و بس .
.2 لو فيه حاجات إنت بتعملها مش مطلوبة منك أو هي تعتبر واجب حد تاني سيبه هو يعملها
و إشغل الوقت ده في حاجة تنفعك إنت أحسن.
بالطريقة دي هتلاقي إستغلالك لوقتك بيتحسن يوم بعد يوم .. و وقت المذاكرة هيزيد بطريقة مشجعة
7
ساعات كتير بتحس إن وراك حاجات كتير أوي مهمة لازم تتعمل ؟
بتنسى تعمل حاجات مهمة ؟
بتحس إنك مضغوط و إن مفيش وقت ؟
الحل إسمه : To-Do list
بإستخدام ال To-Do list هتتأكد إن كل الحاجات اللي المفروض تعملها هتتعمل في أوقاتها
المناسبة ..
طيب إزاي نستخدمها ؟
أولاً: هات ورقة و قلم و إكتب كل اللي وراك في الأسبوع أو الإسبوعين اللي جايين .. كل مهمة في
سطر .
ثانياً : هتلاقي فيه مهام ضخمة جداً زي مثلاً : الإنتهاء من مذاكرة مادة كذا بالكامل . قسمها لمهام
صغيرة )الإنتهاء من الباب الأول و التاني / الإنتهاء من الباب الثالث و الرابع/ المراجعة(
لو لسه شايف المهام كبيرة ... قسمها تاني و تالت لحد ما تحس إن المهام الموجودة قدامك أقصى
وقت ممكن تستغرقه ساعتين .
ثالثأ بعد كده إكتب أمام كل مهمة درجة أهميتها ..
أ مهم جدا
ب مهم
8
ج مش مهم أوي بس يستحسن عمله
د مش مهم خالص
بعد ما تكتب درجات الأهمية بص لها تاني ... يمكن تلاقي حاجة محتاجة تتعدل .
خلصت ؟ طيب تمام جداً ..
نعمل إيه بعد كده ؟؟؟
دلوقتي بقى إمسك القائمة دي و رتبها من حيث درجة الأهمية يعني كل ال أ الأول بعدها كل ال ب
.. و هكذا .
كده يبقى إنت قدامك مخطط لكل المطلوب منك ... إبدأ نفذه بقى .
ممكن تستخدم حاجة إسمها one week time table عشان تنظم الوقت بطريقة واضحة و
كويسة .
ده جدول مقسم الأيام خلال أسبوع إلى ساعات ... إرسمه على ورقة كبيرة و إملاه بالمهام المطلوبة
منك و إختار لها أوقات مناسبة .
9
10
كلنا محتاجين نقرأ بسرعة خصوصاً الأيام دي ... و في نفس الوقت محتاجين نقرا و نفهم اللي
بنقرأه ..
هنتكلم عن القراءة السريعة و بكره إن شاء الله نتكلم عن القراءة الفعّالة و إزاي نثبت اللي قرأناه في
دماغنا ..
أول حاجة عشان تقرا بسرعة .. تكون عارف إنت بتقرا الصفحة دي ليه مثلاً .
مثلاً .. عشان أعرف إسم العالم فلان و الإختراع كذا و مواصفات الإختراع .
أو عشان أعرف رقم القانون كذا و بنوده .
لما تحدد المطلوب قبل القراءة ده هيسهل عملية القراءة و يخليها أسرع .
حاجة تانية ... حرك عينك بسرعة على السطر .. و إقرا اللي تقدر عليه .. لو فيه كلمات فاتتك
مترجعلهاش ... أكيد هتفهمها من السياق بعد شوية ..
% أول مرة قرأت قطعة و فهمت منها 51
جرب تاني في قطعة تانية هتلاقي معدل الفهم زاد ..
شوية شوية هتلاقي سرعة قراءتك بتزيد ...
فيه أسلوب إسمه SQ3R لو طبقناه هنلاقي سرعة قرائتنا و فهمنا زادت أوي ...
11
هذه الحروف هي خلاصة برنامج وضع في جامعة ولاية أوهايو....بهدف معالجة مشاكل الطلاب
الدراسية......
و خطوات المذاكرة الفعالة حسب هذه الطريقة هي
- 0 survey
أي احصر....و تعني الحصول على رؤا فكرية شاملة للمادة.....و تعتبر الخرائط الذهنية
والههياكل...طرق فعالة للقيام بهذا الحصر.......و عندما ينم هذا الحصر بفاعلية يستطيع المخ
الوصول لأي معلومة بسهولة...بالضبط كما تستطيع أن تحصل بسهولة على أي كتاب من مكتبة
مفهرسة....بينما ستبذل وقتا كبيرا إذا أردت الحصول على الكتاب من وسط كومة
كتب......فالحصر...وحفظ العناوين"نعم حفظها"...الرئيسية والفرعية و عمل خريطة ذهنية
لها...خطوة هامة جدا للمذاكرة ...
-2 Question
يتذكر المخ بصورة أكبر اذا ارتبط الموضوع لديه بتحدي معين......ومن أفضل الأساليب لشحذ
المخ ...و توجيهه أثناء المذاكرة......أن تضع الأسئلة الشائعة في الموضوع قبل أن تذاكره...وقد
يكون مصدر هذه الأسئلة...مذكرة الامتحانات أو أستاذ المادة.....و إذا لم يتيسر لك
كلاهما...فستكون مضطرا لوضع الأسئلة بنفسك....
12
-3 Read
هذا البرنامج موضوع لطلبة الجامعات الأمريكية...ويبدو أن القراءة بفهم عندهم كثيرا ما تكون
كافية......و يقابلها عندنا أحفظ......و بوجود الخريطة الذهنية والأسئلة سيكون الحفظ أيسر إن
شاء الله....
-2 Recite
أي سمع ...وقد أجريت أبحاث كثيرة أثبتت أهمية التسميع فقد وجد أن الانسان غالبا ما ينسى 51
% مما يقرؤه عقب انتهاء القراءة مباشرة......و لكن هذه النسبة ترتفع إلى 11 % بعد
التسميع...فالتسميع يساعد على بناء ذاكرة طويلة الأمد...و إذا كنت تذاكر مادة...تعتمد على
السرد "الصم" ...فربما يستحق التسميع 01 % من وقت المذاكرة...ويستحسن أن يكون التسميع
بنفس الطريقة التي سيتم بها الامتحان....فيفضل أن يكون شفهيا للامتحانات الشفهية ...وتحريريا
...للامتحانات التحريرية....وبطيئي الكتابة مثلي عليهم ألا يهتموا كثيرا بالخط عند التسميع المهم
أن يتم بسرعة لأكبر عدد من المرات.....
-5 Revise
أي راجع فكما أسلفنا سابقا.....في أحسن الأحوال لن تتذكر أكثر من 11 % مما ذاكرته...عند
نهاية المذاكرة.....وبالطبع...تظل تقل النسبة....لتصل إلى 31 % أو أقل......بعد أسبوع...)هذه
ال 31 %ستصل لها بعد يوم واحد فقط إذا لم تسمع( و الحل هو المراجعة...و تتم بنفس خطوات
المذاكرة...
13
بصوا يا شباب ... دلوقتي عرفنا إزاي نقرا بسرعة مع SQ3R
دلوقتي بقى عايزين اللي بنقراه ده يثبت في دماغنا بحيث نقدر نفتكره بأقل مجهود ...
ملحوظة هامة : أنا في الدورة دي بابعد تماماً عن الكلام الأكاديمي و بتكلم بس عن الوسائل اللي
الناس مجربها و جايبة نتيجة كويسة بس ... المطلوب منك بس تجرب بصدق
طيب الأول قبل ما نقرأ نظبط المكان اللي هنقرا فيه ... مش معقول هنقرا في المواصلات مثلاً أو
قدام التليفزيون .
أختار غرفة هادية نورها مناسب .. و يا سلام لو كان نور طبيعي .. نور الشمس الجميل ده ..
إعمل لنفسك ك وباية عصير أو شاي ...
هات ورقة و قلم جنبك .... هات الكتاب ...
إبدأ بقراءة قائمة محتويات الكتاب ... و أسماء الأبواب و العنواين الفرعية ...
حاول تربط بين كل باب و اللي بعده ... من قرائتك للعنوان بس ..
حاول تلاقي سبب ليه الباب ده جه في الأول و ده جه بعده ...
بعد ما يكون في دماغك صورة كاملة لمحتويات الكتاب ...
إستخدم طريقة القراءة الفعالة SARGE
14
هي الحروف الأولى من خمس كلمات SARGE
.0 SCAN
.2 ASK
.3 READ
.2 GRASP
.5 Examine
SCAN المسح
إعمل عملية مسح شاملة للكتاب ... بص على إسم المؤلف , إقرا المقدمة ... الغلاف ... لو فيه
تلخيص للكتاب في أوله أو في أخره بص عليه بصة سريعة كده ..
السؤال ASK
كون أسئلة في دماغك من واقع قرائتك لعنواين الكتاب .. و حاول تقرا الكتاب بهدف الغجابة على
تلك الأسئلة ...
مثلاً كتاب عن عصر المماليك ...
قبل ما تقرا حط في دماغك الأسئلة دي : متى بدأ ؟ أهم ملامحه ؟ أهم شخصياته ؟ عوامل إنتهاءه ؟
متى إنتهى .. و هكذا .
15
نيجي بقى لأهم خطوة .. القراءة READ
لما بتيجي تقرا .. عينك مش بتتحرك على الكلمات كلمة كلمة ... بتنط من كلمة لكلمة .. و
ساعات بتركز على مجموعة حروف أو كلمات معينة ..
جربوا الحركة دي كده : لما تيجي تقرا سطر ... إبدأ من الكلمة التانية مش من الأولى ... هتلاقي
عينك شافت الأولى و قرأتها رغم إنها موفقتش عليها ... صح ؟
هدي الجو حواليك و إنت بتقرا ......
لو حسيت إن فيه حاجة مهمة ... إكتبها بإيدك تاني على ورقة فاضية ...
الفهم GRASP
الجزء ده بيتنفذ مع الجزء بتاع القراءة READ في نفس الوقت ....
و ليه شوية أساليب .. اهمها ... علي صوتك و إنت بتقرأ ...
كده إنت عملت إيه ؟
الأول كنت بتستخدم عينك بس في أدخال المعلومة ... دلوقتي أذنك كمان بتسمعها ... ثبات
المعلومة هيكون أفضل .
حاول تلخص بإيدك ... اللي بتقراه ..
16
وقت الإختبار examine بعد ما تقرا بيوم أو إتنين ....
حاول تلخص اللي قرأته تاني أو تحل عليه من غير ما تراجع ... لو لقيت حاجة طايرة منك ... إرجع
أكد عليها تاني .. و هكذا .
الطريقة دي SARGE مش هتجيب نتيجة فورية .. دي محتاجة تعود شوية ... كل مرة هتلاقي
نفسك بتطبقها أسهل ...
المهم تصمم إنك تطبقها ... لحد ما تبقى فطرة و عادة في كل قراءتك ...
17
أكيد سمعنا عنها قبل كده ...
أداة قوية جداً بتساعد على فهم و تلخيص و تذكر مواضيع معقدة و طويلة جداً و بسهولة شديدة ..
دي بعض الأمثلة للخرائط الذهنية .. بتعرض مواضيع متعددة
طيب إزاي نعملها و نستخدمها ...
عشان تعمل mind map
هات ورقة كبيرة .... A3 أو أكبر ... و يا ريت تكون ورق مقوى )كارتون(....
و هات علبة ألوان
18
و إعمل الأتي :
إكتب العنوان بخط كبير بلون مميز في منتصف الورقة و إعمل دائرة حواليه .
.0 خرج أسهم من الدائرة دي كل سهم بلون مختلف .. و خلي الأسهم دي بعدد العنواين
الفرعية اللي تحت العنوان الرئيسي , و إكتب في نهاية كل سهم عنوان فرعي بلون السهم .
.2 خرج من العنواين الفرعية أسهم بعدد العنواين الفرعية اللي تحتها بألوان مختلفة .. و هكذا
..
.3 هتفضل تكرر الموضوع ده لحد ما تلاقي نفسك وصلت للتفاصيل ..
.2 إرسم جنب كل عنوان رسمه تفكرك بيه ... حتى لو كانت رسمة وحشة أو مضحكة ..
.5 ذاكر الموضوع من الخريطة أكتر من مرة .. و علقها في مكان واضح في غرفتك ..
أنصحكم بإنكم الأول ترسموا الخريطة على ورقة صغيرة و لما تستقروا على شكل نهائي إبدأوا
إرسموها بالألوان على الورقة الكبيرة .
طيب إيه بقى فايدة الألوان و الرسم و الحاجات دي ؟
هاقول لكم ..
الأول نعمل مقارنة بين ذاكرة الكمبيوتر و ذاكرة الإنسان ..
ذاكرة الكمبيوتر الأسهل لها تستدعي كلمة من إنها تستدعي صورة ..
ذاكرة الإنسان العكس ... هتفتكر الصورة بسهولة أكتر من إنها تفتكر الكلمة ..
بجد هتلاقي حفظكم و فهمكم للموضوع زاد جداً جداً لما تستخدموا الخرائط الذهنية ؟؟